Ռուսամետ նախկին նախագահը հաղթել է Բուլղարիայի նախագահական ընտրություններում

Բուլղարիայի ԿԸՀ-ի հրապարակած թարմացված տվյալների համաձայն՝ ապրիլի 20-ի ժամը 08:00-ի դրությամբ մշակված 78,24% արձանագրությունների արդյունքում նախկին նախագահ Ռումեն Ռադևի «Առաջադիմական Բուլղարիա» կուսակցությունը ստացել է ձայների 44,48%-ը:

Երկրորդ հորիզոնականում «Շարունակում ենք փոփոխությունները - Ժողովրդավարական Բուլղարիա» արևմտամետ բլոկն է, որը հավաքել է 13,65% ձայն, իսկ երրորդ տեղում «ԳԵՌԲ-ՍԴՍ» կոալիցիան է՝ 13,18% ցուցանիշով:

Խորհրդարան են անցնում նաև «Իրավունքների և ազատությունների շարժումը» (5,86%) ու «Վերածնունդ» կուսակցությունը (4,43%): Բուլղարիայի սոցիալիստական կուսակցությանը («ԲՍԿ - Միացյալ ձախեր») չի հաջողվել հաղթահարել անցողիկ շեմը՝ ստանալով ձայների 3,03%-ը:

Ռումեն Ռադևը հայտարարել է, որ պետությունը հավատարիմ կմնա եվրոպական ուղղությանը, սակայն շեշտել է պրագմատիզմի և քննադատական մոտեցման կարևորությունը: Նա կարծիք է հայտնել, որ Եվրոպան հայտնվել է սեփական հավակնությունների գերության մեջ՝ փորձելով նոր կանոններով բարոյական առաջնորդ լինել: