Իրանը ԱՄՆ-ին մեղադրել է «ծովահենության» մեջ

Իրանի զինված ուժերի «Խաթամ ալ-Անբիա» կենտրոնական շտաբի ներկայացուցիչը հայտարարել է, որ ԱՄՆ-ն խախտել է հրադադարի ռեժիմը՝ իրականացնելով «ծովային ծովահենություն»։

Նշվում է, որ ամերիկյան կողմը կրակ է բացել Օմանի ծոցի ջրերում գտնվող իրանական առևտրային նավերից մեկի ուղղությամբ և շարքից հանել դրա նավագնացության համակարգը։ Ամերիկացի զինվորականները նաև վայրէջք են կատարել նավի տախտակամածին։

Հայտարարության մեջ ընդգծվում է, որ Իրանի զինված ուժերը մոտ ժամանակներս կպատասխանեն ամերիկյան զինվորականների կողմից իրականացված այս «ծովային ավազակությանը և զինված գործողությանը»։