Թրամփը խոսել է Լիբանանի նախագահի հետ. Axios

ԱՄՆ նախագահ Դոնալդ Թրամփը հեռախոսազրույց է ունեցել Լիբանանի նախագահ Միշել Աունի հետ, գրում է Axios-ի թղթակից Բարաք Ռավիդը՝ հղում անելով անանուն պաշտոնյաներին։

Ավելի վաղ Թրամփը հայտարարել էր նախապատրաստվող «պատմական հեռախոսազրույցի» մասին, որը պետք է կայանա Աունի և Իսրայելի վարչապետ Բենիամին Նեթանյահուի միջև։

«Արդեն երկար ժամանակ է անցել այն պահից, ինչ երկու երկրների առաջնորդները խոսել են՝ մոտ 34 տարի։ Դա տեղի կունենա վաղը», – նախօրեին գրել էր ԱՄՆ նախագահը։

Սակայն այսօր ԱՄՆ պետքարտուղար Մարկո Ռուբիոյի հետ զրույցում Աունը հրաժարվել է Նեթանյահուի հետ բանակցություններից, հայտնում է Ynet պորտալը՝ հղում անելով լիբանանյան LBCI պորտալին։

«Ռիա նովոստի»-ի փոխանցմամբ Լիբանանի նախագահի գրասենյակից հաղորդել են, որ Թրամփը հաստատել է իր աջակցությունը կրակի շուտափույթ դադարեցման հարցում: