Լիբանանն ու Իսրայելը համաձայնության են եկել. Թրամփ

Դոնալդ Թրամփը հայտարարել է Լիբանանի և Իսրայելի միջև 10-օրյա ժամկետով կրակի դադարեցման համաձայնության մասին։

Իսրայելի և Լիբանանի միջև հաստատված զինադադարի ռեժիմն ուժի մեջ կմտնի Երևանի ժամանակով ժամը 01:00-ին: ԱՄՆ նախագահ Դոնալդ Թրամփը նշել է, որ արդյունավետ քննարկումներ է ունեցել Իսրայելի վարչապետ Բենիամին Նեթանյահուի և Լիբանանի նախագահ Ժոզեֆ Աունի հետ:

Ըստ նրա՝ երկու երկրների առաջնորդները պաշտոնապես համաձայնել են դադարեցնել կրակը 10 օրով՝ սկսած արևելյան ժամանակով ժամը 17:00-ից` նպատակ ունենալով հասնել խաղաղության:

Թրամփը տևական խաղաղության հաստատման ուղղությամբ աշխատանքներ իրականացնելու հանձնարարական է տվել փոխնախագահ Ջեյ Դի Վենսին, պետքարտուղար Մարկո Ռուբիոյին և Շտաբների պետերի միացյալ կոմիտեի նախագահ Դեն Ռեզին Քեյնին: Նախագահը հավելել է, որ սա կլինի իր կողմից լուծված 10-րդ պատերազմն աշխարհում: