ԱՄԷ-ն խնդրանքով դիմել է ԱՄՆ-ին

Արաբական Միացյալ Էմիրությունները քննարկումներ են սկսել Միացյալ Նահանգների հետ ֆինանսական աջակցության հարցի շուրջ՝ այն դեպքի համար, եթե Իրանի դեմ ԱՄՆ-ի և Իսրայելի պատերազմը հանգեցնի ավելի խորը ճգնաժամի Պարսից ծոցի այդ երկրում։ Այս մասին հայտնում է The Wall Street Journal-ը՝ հղում անելով ամերիկյան պաշտոնյաներին։

Հրատարակության տվյալներով՝ ԱՄԷ Կենտրոնական բանկի ղեկավար Խալեդ Մոհամեդ Բալաման անցյալ շաբաթ Վաշինգտոնում կայացած հանդիպումների ժամանակ ԱՄՆ ֆինանսների նախարար Սքոթ Բեսենտի և Դաշնային պահուստային համակարգի այլ պաշտոնյաների հետ քննարկել է արժութային սվոպ գծի ստեղծման հնարավորությունը։

Էմիրությունները, ինչպես ընդգծվում է, վախենում են, որ Իրանի հետ ԱՄՆ-ի հակամարտությունը կարող է վանել ներդրողներին, ինչպես նաև ազդել ԱՄԷ-ի կարգավիճակի վրա, որը համարվում է համաշխարհային ֆինանսական կենտրոն։