Դավաճանի սովորական գործելաոճն է․ Լևոն Քոչարյանը՝ իր տանը կատարված խուզարկության մասին

Առավոտ 7:00-7:10 եկան խուզարկելու: Այս մասին ասել է «Հայաստան» խմբակցության անդամ Լևոն Քոչարյանը:

«Դավաճանի սովորական գործելաոճն է, պատճառը երեկվա իմ ելույթը չէ, այդպիսի ելույթներ միշտ էլ ունեցել եմ, պատճառը՝ «չկզել»-ն է, պատրաստ ենք այս ամեն ինչին»,- նշել է նա:

Հիշեցնենք, որ առավոտյան 07:00-ի սահմաններում իրավապահները ներխուժել են ԱԺ պատգամավոր Լևոն Քոչարյանի տուն: Գրել և տեսանյութ է հրապարակել ԱԺ պատգամավոր Մեսրոպ Մանուկյանը:

Կոռուպցիոն բնույթի հանցագործությունների դեպքերով քննվող քրեական վարույթի շրջանակում մի քանի տասնյակ հասցեներում կատարվում են խուզարկություններ և վարութային այլ գործողություններ, հայտնել է Հակակոռուպցիոն կոմիտեն:

«Առավոտյան Նախագահ Քոչարյանին քննչական մարմինները տեղափոխել են Հակակոռուպցիոն Կոմիտե:  Երեկ մամուլում տեղ գտած լուրերը հաստատվեցին. իշխանությունների հերթական գրոհն է սկսվել նախագահ Քոչարյանի և իր ընտանիքի նկատմամբ»,- ավելի ուշ գրել է ՀՀ երկրորդ նախագահ Ռոբերտ Քոչարյանի գրասենյակի ղեկավարը։