Հասարակություն Կարևոր

ՏԵՍԱՆՅՈՒԹ. 8 նոր ավտոբուսի գումար է հավաքագրվել. Ավինյան

Mariam Z.

20.04.2026 10:09

Երևանի քաղաքապետի փոխանցմամբ՝ երկու շաբաթվա ընթացքում տրանսպորտի վճարումներից հավաքվել է մոտ 8 նոր ավտոբուսի արժեքին հավասար գումար։

Քաղաքապետ Տիգրան Ավինյանը փաստել է, որ նախկինում չվճարող անձանց հաշվին գրանցված այս ցուցանիշը վկայում է նոր մեթոդի արդյունավետության մասին՝ չնայած առաջացած որոշակի անհարմարություններին։

«Որքան էլ մեր նոր մեթոդը որոշակի անհարմարություններ ստեղծում է, այնուամենայնիվ, հավաքագրման ու կարգապահության տեսանկյունից այն բավական էֆեկտիվ է»,- նշել է նա։

Ավինյանը նաև տեղեկացրել է, որ առաջիկա շաբաթներին ակնկալվում է 45 նոր տրոլեյբուսի ներկրում, և հանձնարարել է նախապատրաստել 170 նոր ավտոբուսի ձեռքբերման հայտը։ Քաղաքապետին զեկուցվել է, որ տրոլեյբուսները ներկայումս գտնվում են Ռուսաստանի Դաշնությունում և արդեն ճանապարհին են։