Որքան գումար է պատրաստ վճարել Սամվել Կարապետյանը ազատ արձակվելու համար

«Ուժեղ Հայաստան» կուսակցության առաջնորդ Սամվել Կարապետյանի պաշտպան Արամ Վարդևանյանը դատարանում միջնորդություն է ներկայացրել վերացնելու նրա տնային կալանքը՝ գրավի չափի ավելացման դիմաց։

Դատական նիստի ընթացքում փաստաբանը հայտնել է, որ Սամվել Կարապետյանը պատրաստակամ է արդեն իսկ սահմանված 4 միլիարդ դրամ գրավին հավելել ևս մոտ 400 միլիոն դրամ։ Ըստ պաշտպանի՝ անցած 10 ամիսների ընթացքում Կարապետյանի կողմից որևէ խախտում չի արձանագրվել։

Միևնույն ժամանակ, դատարանի բակում հավաքվել են Սամվել Կարապետյանի աջակիցները։ Նրանք բողոքի ակցիա են անցկացնում՝ պահանջելով ազատ արձակել կուսակցության առաջնորդին։