ՏԵՍԱՆՅՈՒԹ. Հիմք չկա. անգամ «զանգովի արդարադատություն»-ը չի գործում. Ղազինյան

Այսօր հայտնի դարձավ, որ «Ուժեղ Հայաստան» կուսակցության մեկ տասնյակից ավելի անդամ է բերման ենթարկվել` բարեգործության արգելքը խախտելու հիմնավորմամբ:

Լրագրողի հարցին` միտում տեսնո՞ւմ եք, որ այս բարեգործության արգելքը խախտելու հիմնավորմամբ կարող են ձեր կուսակցությունը չգրանցել առաջիկա խորհրդարանական ընտրություններում, կուսակցության անդամ Դավիթ Ղազինյանը պատասխանել է. «Մի քանի անգամ նշել եմ, ևս մեկ անգամ ասեմ՝ Անդրկովկասի երկրորդ բռնապետի տիտղոսին հասած մարդը անգամ չի կարող այդ շքեղությունը իրեն թույլ տալ, որովհետև «Ուժեղ Հայաստանը» չգրանցելը նշանակում է ընտրությունները իրականում դնել կասկածի տակ»:


Անդրադառնալով ձերբակալումներին` Ղազինյանն ասել է. «Ամեն ինչ էլ կարող են սարքել, բայց արդեն հավատացողը չկա, անգամ դատարանները նույն «զանգովի արդարադատության» սկզբունքով չեն կարողանում գործել, որովհետև որևէ հիմք չկա»: