ՏԵՍԱՆՅՈՒԹ. Ընտրության արդյունքները միանշանակ արտահայտելու են ՀՀ քաղաքացու կամքը. Հովակիմյան

«Կենտրոնական ընտրական հանձնաժողովը հանձնառու է և ապահովելու է, որպեսզի ինչպես առաջիկա Ազգային ժողովի ընտրությունները, այնպես էլ մնացած բոլոր ընտրությունները լինեն ազատ, արդար և թափանցիկ, որպեսզի արդյունքները լինեն մեկ ձայնի ճշգրտությամբ, որպեսզի անկախ այն հանգամանքից, թե քարոզարշավի ընթացքում մինչև քվեարկությունը մրցակիցները որքան սուր հռետորաբանություն կօգտագործեն մեկը մյուսի նկատմամբ, արդյունքներն ամփոփելուց հետո միմյանց շնորհավորեն»,-ԱԺ-ում  ընտրությունների նախապատրաստական գործընթացները ներկայացնելուց հետո ասաց ԿԸՀ նախագահ Վահագն Հովակիմյանը:


«Այդ արդյունքները, որոնք ձևավորվելու են, միանշանակ է, որ արտահայտելու են Հայաստանի Հանրապետության քաղաքացու կամքը, և սրանում կասկած լինել չի կարող»,- ասել է Հովակիմյանը: