Մոջթաբա Խամենեին 3 խորհուրդ է տվել իրանցիներին

Իրանի գերագույն առաջնորդ Մոջթաբա Խամենեին ուղերձում անդրադարձել է ներկայիս իրավիճակին և ներկայացրել երեք հիմնական խորհուրդ։

Նա նշել է, որ հասարակության բոլոր շերտերը պետք է ցուցաբերեն փոխադարձ ուշադրություն և աջակցություն՝ մեղմելու պատերազմի հետևանքով առաջացած պակասի ազդեցությունը՝ ընդգծելով, որ նման դժվարությունները բնորոշ են հակամարտություններին, սակայն իշխանությունների և պետական կառույցների ջանքերով հնարավոր է դրանք զգալիորեն վերահսկել։

Երկրորդ կետով Խամենեին կոչ է արել զգուշությամբ մոտենալ արտաքին աղբյուրներից ստացվող տեղեկատվությանը, մասնավորապես այն լրատվամիջոցներին, որոնք, ըստ նրա, գործում են հակառակորդի շահերից ելնելով՝ նշելով, որ դրանցից պետք է կամ հրաժարվել, կամ վերաբերվել առավելագույն կասկածով։

Երրորդ կետում նա նշել է, որ չնայած պաշտոնական սգի ավարտին, ժողովուրդը կպահպանի վճռականությունը՝ պատասխանելու զոհերի համար և շարունակելու սպասել համապատասխան պահի։