Իրանը պայմաններ է դրել հանդիպման համար

Իրանը չի ստորագրի ԱՄՆ-ի հետ որևէ համաձայնագիր, եթե Վաշինգտոնը չընդունի Թեհրանի ներկայացրած պահանջները։ Այդ մասին հայտարարել է Իրանի խորհրդարանի առաջին փոխխոսնակ Ալի Նիքզադը։

Fars գործակալության փոխանցմամբ՝ Իրանի գերագույն առաջնորդ Մոջթաբա Խամենեին չի հավանություն տա հնարավոր համաձայնագրին, եթե ամերիկյան կողմը չընդունի Թեհրանի կողմից ներկայացված 10 պայմանները։ Նիքզադը նշել է, որ դրանց չկատարելու դեպքում փաստաթուղթ չի ստորագրվի։

Մինչ այդ Ռուսաստանի ԱԳՆ պաշտոնական ներկայացուցիչ Մարիա Զախարովան հայտարարել էր, որ Մոսկվան բազմիցս կոչ է արել Մերձավոր Արևելքում ճգնաժամը կարգավորել քաղաքական և դիվանագիտական ճանապարհով։ Նրա խոսքով՝ իրավիճակը սկզբից ի վեր չի ունեցել ռազմական լուծում։

Միևնույն ժամանակ ամերիկացի պրոֆեսոր Թեոդոր Պոստոլը կարծիք է հայտնել, որ ԱՄՆ-ն և Իսրայելը կարողացել են վնասել միայն Իրանի վերգետնյա օբյեկտները։ Ըստ նրա՝ երկրի հիմնական ռազմական ներուժը տեղակայված է ստորգետնյա կառույցներում և պաշտպանված է հարվածներից, ինչի արդյունքում հակամարտությունը զարգացել է Իրանի օգտին։