ՆԳ նախարարը՝ վիզաների ազատականացման գործընթացի մասին
Հայաստանը պատրաստ է վիզաների ազատականացմանն այն տրամաբանությամբ, որ գործընկերների հետ արդեն մտել է երկխոսության փուլ՝ ունենալով կամարտահայտություն սկսելու վիզաների ազատականացման երկխոսությունը և իրականացնելու այն բոլոր միջոցառումները, որոնք կարևոր կլինեն գործընկերների համար այդ գործընթացը տրամաբանական հանգուցալուծման հասցնելու տեսանկյունից։ Այդ մասին ԵՄ ներքին գործերի և միգրացիայի հարցերով հանձնակատար Մագնուս Բրունների հետ համատեղ ասուլիսի ընթացքում ասել է ՆԳ նախարար Արփինե Սարգսյանը։
Նախարարը հիշեցրել է, որ այս համատեքստում Հայաստանում բիոմետրիկ համակարգը կգործարկվի 2026 թվականի աշնանը, երբ քաղաքացիները կսկսեն ստանալ բիոմետրիկ անձնագրեր։
«Ինչո՞ւ է սա կարևոր ռեֆորմ: Որովհետև անձի ինքնությանը վերաբերող պրոցեսի հետ գործ ունենք, և շատ կարևոր է, որ թե՛ ՀՀ-ն, թե՛ ԵՄ-ն վստահ լինեն՝ մարդկային շարժի շրջանակներում հստակ է, թե որ անձի շարժի մասին ենք խոսում, և ինքնության կեղծիքները կկարողանանք բացահայտել»,- ասել է նա։
Նախարարը նաև նկատել է, որ Առողջության համընդհանուր ապահովագրության համակարգը ևս կարևոր նշանակություն ունի վիզաների ազատականացման հնարավորությունը ճիշտ օգտագործելու համատեքստում։
Նմանատիպ հոդվածներ
Բաքուն խոստանում է պատասխանել Նախիջևանի հարձակմանը․ Ադրբեջանի ՊՆ
Բաղդասարյանը արձագանքել է Դուբայում Փաշինյանի գույքի հրթիռակոծության լուրերին
Վարչապետ Նիկոլ Փաշինյանը հանդես է եկել հայտարարությամբ
Եթե անձը ստացել է 500 հազ. դրամ, անգամ՝ 1 ամսում 3 անգամ, չի հայտարարագրվում
Ավելին Քաղաքականություն բաժնից
Փաշինյան արձագանքը՝ ադրբեջանական դիրքի բարելավման վերաբերյալ պնդումներին
Իրանի ԱԳՆ-ն հաստատել է՝ նոր գերագույն առաջնորդ Մոջթաբա Խամենեին վիրավորվել է
Փաշինյանը խոսել է նոր Սահմանադրությունից․ Անկախության հռչակագրին հղում պետք է չլինի
