Նեթանյահուն սպառնացող հայտարարություն է արել

Իսրայելի վարչապետ Բենիամին Նեթանյահուն հայտարարել է, որ Իսրայելը ոչնչացրել է Իրանի նախկին առաջնորդին, իսկ նորը՝ Մոջթաբան, նրա խոսքով, Իսլամական հեղափոխության պահապանների կորպուսի խամաճիկն է և չի կարող ներկայանալ հանրությանը։

«Ավելի քան 30 տարի առաջ ես ասել եմ, որ Իսրայելի համար սպառնալիքը գալիս է ոչ թե արաբական երկրներից, այլ Իրանից։ Ես ասում եմ իրանցի ժողովրդին. մոտ է այն պահը, երբ դուք կարող եք փողոց դուրս գալ։ Մենք ձեզ հետ ենք, մենք աջակցում ենք ձեզ, բայց ամեն ինչ ձեր ձեռքերում է։

Մեր հարաբերությունները Թրամփի հետ հարյուր անգամ ավելի ամուր են, քան մեր հարաբերությունները ԱՄՆ ցանկացած նախկին նախագահի հետ։ Իսրայելի քաղաքացիներ, գիտեմ, որ դուք պայքարում եք հրետակոծությունների դեմ։ Հյուսիսում ժամանակները դժվար են։ Բայց ներքին ճակատի հրամանատարության հրահանգներին ձեր կողմից հետևելը ուժ է տալիս ինձ, կառավարությանը և բանակին։

Պատերազմի նպատակն է՝ մահացու հարված հասցնել միջուկային և հրթիռային ծրագրերին, ինչպես նաև ստեղծել օպտիմալ պայմաններ իրանցի ժողովրդի համար՝ տապալելու իրենց ռեժիմը։ Սա չի նշանակում, որ մենք կարող ենք երաշխավորել դա։ Մենք կարող ենք միայն ստեղծել պայմանները, որից հետո Իրանի ժողովուրդը պետք է գործի։

«Հեզբոլլահը» վախենում է մեր ուժից, և նրանք ծանր գին կվճարեն Իսրայելի դեմ իրենց ագրեսիայի համար»,-նշել է Նեթանյահուն։