Կկայանա Ծառուկյան–Պուլաս ռևանշը

RAF պրոմոուշենը պաշտոնապես հայտնել է UFC-ի հայ մարտիկ Արման Ծառուկյանի և ամերիկացի Ջորջիո Պուլասի միջև ռևանշի կազմակերպման մասին։

Հաղորդվում է, որ ազատ ոճի ըմբշամարտի կանոններով գոտեմարտը կանցկացվի մարտի 28-ին ԱՄՆ Ֆլորիդա նահանգի Տամպա քաղաքում՝ Real American Freestyle (RAF) ըմբշամարտի լիգայի մրցաշարի շրջանակում։

Հիշեցնենք, որ նրանց առաջին հանդիպումն ավարտվել էր Արման Ծառուկյանի հաղթանակով՝ 5:3 հաշվով։ Սակայն գոտեմարտի ավարտից հետո միջադեպ էր տեղի ունեցել, որի ընթացքում հայ մարտիկը զանգվածային ծեծկռտուք էր հրահրել։

Լիգայի համահիմնադիր Չադ Բրոնշտեյնը հայտարարել է, որ տեղի ունեցած միջադեպից հետո էլ Արման Ծառուկյանը չի որակազրկվի և հնարավորություն կունենա մասնակցելու ռևանշին։

Ավելի վաղ նախատեսվում էր այս գոտեմարտն անցկացնել Բրազիլիայում կայանալիք Hype մրցաշարի ընթացքում, սակայն այդ հանդիպումը չեղարկվել էր։