Էրդողանը հանդես է եկել հայտարարությամբ․ Թուրքիան կպատասխանի ցանկացած թշնամական գործողության

Թուրքիան կպատասխանի ցանկացած թշնամական գործողության։ Այս մասին հայտարարել է Թուրքիայի նախագահ Ռեջեփ Թայիփ Էրդողանի աշխատակազմը։

«Անկարան շարունակում է խորհրդակցությունները ՆԱՏՕ-ի հետ՝ Իրանից արձակված հրթիռի ոչնչացումից հետո»,- հայտնում է Ռեջեփ Թայիփ Էրդողանի աշխատակազմը։

Հիշեցնենք՝ Թուրքիայի ազգային պաշտպանության նախարարությունը հայտնել է, որ Իրանից արձակված և Թուրքիայի օդային տարածքի ուղղությամբ շարժվող բալիստիկ հրթիռը ժամանակին խոցվել է ՆԱՏՕ-ի հակաօդային և հակահրթիռային պաշտպանության համակարգերի կողմից։