SpaceX-ը Պենտագոնի համար մշակում է ձայնային կառավարմամբ ԱԹՍ-ներ. Bloomberg
SpaceX-ը Պենտագոնի համար մշակում է ձայնային կառավարմամբ անօդաչու թռչող սարքեր։ Այս մասին գրել է Bloomberg-ը:
Էլոն Մասկի xAI ընկերության դուստր ձեռնարկությունը նույնպես մասնակցել է նոր գաղտնի մրցույթին։
Նրանք այն քչերի թվում էին, որոնք ընտրվել էին հունվարին հայտարարված 100 միլիոն դոլարի մրցանակային ֆոնդով մրցույթին մասնակցելու համար։ Մրցույթը կտևի վեց ամիս։ Նպատակն է մշակել խմբային կառավարման տեխնոլոգիաներ, որոնք թույլ կտան ձայնային հրամաններ տալ բազմաթիվ անօդաչու թռչող սարքերի։
Bloomberg-ի աղբյուրները հայտնել են, որ մրցույթը բաղկացած կլինի հինգ փուլից՝ ծրագրային ապահովման մշակումից մինչև իրական աշխարհում փորձարկում։
