Հունաստանը զորքեր կուղարկի Գազա
Հունաստանը Գազա կուղարկի զորքերի գումարտակ՝ որպես Միջազգային կայունացման ուժերի (ISF) մաս, հաղորդել է «Կաթիմերինի» թերթը՝ հղում անելով աղբյուրներին։
«Հունաստանի կողմից Գազաում Միջազգային կայունացման ուժերի (ISF) մասնակցության նախապատրաստական աշխատանքները գտնվում են առաջադեմ փուլում... Լավատեղյակ աղբյուրների համաձայն՝ որոշում է կայացվել մասնակցել կրճատված գումարտակի մակարդակով՝ մոտավորապես 100-150 զինվորականով», - նշվում է հոդվածում։
Չնայած երկիրը սկզբում նախատեսում էր Գազայի հատված ուղարկել միայն քաղաքացիական անձնակազմ, մասնավորապես՝ բժիշկներ և ինժեներներ, հունական զորախմբի վերջնական կազմը կներառի նաև անվտանգության ուժեր։ Զինվորականների հիմնական դերը, ենթադրաբար, կլինի բժշկական և ինժեներական ստորաբաժանումներին ուղեկցելը, գրում է թերթը։
Գումարտակի մեջ կներառվեն նաև սպաներ, որոնք կտեղակայվեն Միջազգային կայունացման ուժերի շտաբ-բնակարանում, հաղորդում է թերթը։ Հոդվածում նշվում է, որ երկու հույն սպաներ արդեն ծառայում են Իսրայելի Կիրյաթ Գատ քաղաքում՝ Քաղաքացիական-ռազմական համակարգման կենտրոնում (CMCC), որը ստեղծվել է Գազայի հատվածում հրադադարի ռեժիմի վերահսկման համար։
Հունական զորամիավորումը կտեղակայվի Իսրայելի բանակի կողմից Գազայի հատվածի շուրջ սահմանված անվտանգության պարագծի սահմաններում: Իր փոքր չափերի պատճառով այն կինտեգրվի ավելի մեծ կազմավորումների:
