Պայթյուններ Ռուսաստանի Ուխտա քաղաքում

Ռուսաստանի Ուխտա քաղաքում պայթյուններ են որոտացել անօդաչու թռչող սարքերի սպառնալիքի պայմաններում: Այս մասին հայտնում են ռուսական տելեգրամյան ալիքները։

Նշվում է, որ դեպքը տեղի է ունեցել քաղաքի արդյունաբերական հատվածում, որտեղ պայթյուններից հետո հրդեհ է բռնկվել։ Պաշտոնական կառույցները մանրամասներ չեն ներկայացրել։

Ուկրաինական աղբյուրները հաղորդում են, որ հրդեհը բռնկվել է «Լուկոյլ-Ուխտանավթավերամշակում» ձեռնարկությունում։ Այս տեղեկությունը պաշտոնապես չի հաստատվել։

Ուխտան գտնվում է Ուկրաինայից մոտ 1700 կիլոմետր հեռավորության վրա։ Դեպքի պատճառների և հնարավոր վնասների մասին պաշտոնական տվյալներ առայժմ չեն հրապարակվել։