Իրանը դեռևս լիովին չի վստահում ԱՄՆ-ին․ աշխատում ենք համաձայնագրի վրա․ Արաղչի

Իրանը աշխատում է համաձայնագրի առաջարկի վրա, որը կապահովի խաղաղ միջուկային էներգիայի օգտագործման իրավունքը, բայց թույլ չի տա միջուկային զենք ունենալ, ասել է արտաքին գործերի նախարար Աբբաս Արաքչին։

«Ես արդեն հանձնարարել եմ իմ թիմին աշխատել իրագործելի պլանի կամ առաջարկի վրա, որը կարող է երաշխավորել, որ Իրանը չի ունենա միջուկային զենք, և միևնույն ժամանակ կարող է երաշխավորել Իրանի իրավունքը խաղաղ նպատակներով միջուկային տեխնոլոգիաների օգտագործման համար՝ էլեկտրաէներգիայի, բժշկության և գյուղատնտեսության համար», - ասել է նախարարը RT-ին տված հարցազրույցում։

Նա նաև ընդգծել է, որ Իրանը դեռևս լիովին չի վստահում ԱՄՆ-ին 2025 թվականի բանակցությունների ֆոնին նրա հարվածներից հետո և ցանկանում է ապահովել, որ նման բան այլևս չկրկնվի։ Փետրվարի 6-ին ԱՄՆ-ի և Իրանի պատվիրակությունները բանակցություններ են վարել Օմանի մայրաքաղաք Մասկատում՝ Իրանի միջուկային ծրագրի վերաբերյալ։ ԱՄՆ նախագահ Դոնալդ Թրամփը նշել է, որ բանակցությունները լավ են անցել և կշարունակվեն։ Մինչդեռ, Իրանի արտաքին գործերի նախարար Աբբաս Արաղչին փետրվարի 8-ին ընդգծեց, որ Իրանը պնդում է ուրանը հարստացնելու իր իրավունքի վրա, նույնիսկ եթե դա հանգեցնի պատերազմի։