2026 թ. հունվարն ամենամեծ զբոսաշրջային հոսքը ցուցաբերած ամիսն է Հայաստանում

2026 թ. հունվարը Հայաստանի բոլոր հունվարներից լավագույնն է զբոսաշրջային հոսքերի առումով։ Այս մասին Ֆինանսավարկային և բյուջետային հարցերի մշտական հանձնաժողովի արտահերթ նիստում հայտարարել է ՀՀ էկոնոմիկայի նախարար Գևորգ Պապոյանը։

«Այս տարվա հունվարին 39 տոկոսով ավելի զբոսաշրջիկ է եկել Հայաստան, քան անցած տարվա հունվարին»,– նշել է Պապոյանը:

Ռուսաստանից եղել է զբոսաշրջիկների համաչափ աճ` 40–41 տոկոսի շրջանակում, նույն համաչափ զարգացումը եղել է նաև մյուս երկրների դեպքում։