Սենսացիոն ձայնագրություն՝ օտար հետախուզության հետ կապ Թրամփի թիմում
ԱՄՆ հատուկ ծառայությունները, իբր, արտասովոր հեռախոսազրույց են արձանագրել օտարերկրյա հետախուզության հետ կապված անձի և Միացյալ Նահանգների նախագահ Դոնալդ Թրամփին մոտ կանգնած անձի միջև: Ինչպես ասվում է հոդվածում, հիշյալ հեռախոսազանգն ԱՄՆ ազգային անվտանգության գործակալությունը նկատել էր դեռևս 2025 թվականի գարնանը։
Սակայն, նշում է The Guardian-ը՝ վկայակոչելով տեղեկատուի փաստաբանին, երբ ԱՄՆ ազգային հետախուզության ղեկավար Թուլսի Գաբարդը ստացել է այդ տեղեկությունը, նա չի տարածել այն, այլ ուղղակիորեն փոխանցել Է Սպիտակ տան աշխատակազմի ղեկավար Սյուզան Ուայլսին:
Դրանից հետո, ինչպես գրում է բրիտանական պարբերականը, Գաբարդը կարգադրել է, որ չհրապարակի իր զեկույցը, այլ նրան ուղարկի այդ գործի վերաբերյալ բոլոր նյութերը։ The Guardian-ը վստահեցնում է, որ ԱՄՆ ազգային հետախուզության ղեկավարի և Ազգային անվտանգության գործակալության միջև տեղի ունեցած թեմայի քննարկման բոլոր մանրամասները նախկինում չեն հրապարակվել:
Տեղեկատուն պաշտոնական բողոք է ներկայացրել Գաբարդի գործողությունների վերաբերյալ 2025 թվականի մայիսին, հայտնել է նրա փաստաբանը։ Ընդ որում, հոդվածում չի պարունակվում ոչ ամերիկյան առաջնորդին մոտ մարդու անունը, ոչ էլ հստակեցում, թե որ երկրի հետախուզությունը կարող էր ներկայացնել նրա զրուցակիցը:
Փետրվարի 7-ին Գաբբարդը X-ում հրապարակել է մի տեղեկություն, որում «կեղծ եւ անհիմն» է անվանել այն պնդումները, թե ինքը «ութ ամիս շարունակ թաքցրել է» անանուն տեղեկատուի կողմից ուղարկված բողոքը: Միևնույն ժամանակ, նա այդ մասին կեղծ տեղեկություններ տարածելու մեջ մեղադրել է ԱՄՆ Կոնգրեսի Սենատի հետախուզության հարցերով հատուկ հանձնաժողովի ավագ դեմոկրատ Մարկ Ուորներին և մի շարք ամերիկյան ԶԼՄ-ներին:
«Ես այդ բողոքը չունեմ եւ երբեք չեմ ունեցել, այդ պատճառով, բնականաբար, չէի կարող այն թաքցնել չհրկիզվող պահարանում», - ընդգծել է Գաբարդը, որի խոսքերով նա առաջին անգամ այդ փաստաթղթին ծանոթացել է«երկու շաբաթ առաջ»:
Տեղեկատուի զեկույցում տեղ գտած տվյալները, նրա խոսքով, ուսումնասիրել է Ջո Բայդենի նախկին վարչակազմի կողմից նշանակված հետախուզական համայնքի գլխավոր տեսուչ Թամարա Ջոնսոնը: Այս ստուգման ավարտից հետո «լրացուցիչ քննչական կամ վերահսկողական գործողություններ չեն ձեռնարկվել», - նշել է Գաբարդը:
