Թուրքիան ԵՄ-ին չի անդամակցի, քանի դեռ Բրյուսելը վարում է այս քաղաքականությանը․ Ֆիդան

Անկարայում ԵՄ ընդլայնման հարցերով հանձնակատար Մարթա Կոսի հետ բանակցությունների ժամանակ Թուրքիայի արտաքին գործերի նախարար Հաքան Ֆիդանը խոսել է երկկողմ հարաբերություններում առկա խոչընդոտները հաղթահարելու անհրաժեշտության մասին և կոչ է արել ստեղծել Թուրքիայի և ԵՄ-ի միջև ավելի լայն, ինստիտուցիոնալ և բազմաչափ համագործակցության շրջանակ։

Ֆիդանը նախկինում հայտարարել էր, որ Թուրքիայի անդամակցությունը Եվրամիությանը անհնար է, քանի դեռ Բրյուսելը հավատարիմ է Անկարայի նկատմամբ իր ներկայիս քաղաքականությանը։ Սակայն, ըստ Politico-ի, ԵՄ-ն ներկայումս չի քննարկում անդամակցության բանակցությունների վերսկսման հարցը, չնայած ԵՄ հանձնակատարի Թուրքիա այցին։ Անկարան ԵՄ անդամակցության թեկնածու է 1999 թվականից և անդամակցության շուրջ բանակցություններ է վարում 2005 թվականից։

«Երկկողմ հարաբերություններում առկա խոչընդոտները պետք է հաղթահարվեն ավելի լայն, ինստիտուցիոնալ և բազմաչափ համագործակցության շրջանակի միջոցով», - ասվում էր այսօր բանակցություններից հետո համատեղ հայտարարության մեջ։