ՆԱՏՕ-ի գլխավոր քարտուղարի ելույթը վկայում է՝ Ուկրաինայում ռազմական միջամտության մասին․ Լավրով
ՆԱՏՕ-ի գլխավոր քարտուղար Մարկ Ռուտտեի ելույթը Գերագույն Ռադայում վկայում է, որ Ուկրաինայում ռազմական միջամտություն է նախապատրաստվում, հայտարարել է Ռուսաստանի արտաքին գործերի նախարար Սերգեյ Լավրովը։
Նա հիշեցրել է, որ Ռուտտեն, ելույթ ունենալով Ուկրաինայի խորհրդարանում, հայտարարել է, որ եվրոպական երկրների կողմից մշակված Ուկրաինայի անվտանգության երաշխիքները նախատեսում են «կամավորների կոալիցիայի» կողմից իրենց զորքերը Ուկրաինայի տարածքում տեղակայելու ավտոմատ գործողություններ. մի փուլում՝ եվրոպական երկրների, մասնավորապես՝ Մեծ Բրիտանիայի և Ֆրանսիայի, իսկ մյուս փուլում՝ ԱՄՆ-ի աջակցությամբ։
«Այն, ինչ Ռուտտեն ասաց խորհրդարանում, Ուկրաինայի Գերագույն Ռադայում, նշանակում է, որ միջամտություն է նախապատրաստվում», - լրագրողներին ասել է Լավրովը Շվեյցարիայի արտաքին գործերի նախարար Ինասիո Կասիսի և ԵԱՀԿ գլխավոր քարտուղարի հետ բանակցություններից հետո տեղի ունեցած մամուլի ասուլիսում։
