Անհրաժեշտ է հաղթահարել Միացյալ Նահանգների նկատմամբ ձևավորված անվստահությունը․ Իրանի ԱԳՆ

Իրանը կարծում է, որ անհրաժեշտ է հաղթահարել Միացյալ Նահանգների նկատմամբ ձևավորված անվստահությունը, սակայն Վաշինգտոնի հետ բանակցային շրջանակի մշակումը հնարավոր է, հայտարարել է Իրանի արտաքին գործերի նախարար ցն։

Այսօր ԱՄՆ-ի և Իրանի պատվիրակությունները բանակցություններ են վարել Օմանի մայրաքաղաք Մուսկատում՝ Իրանի միջուկային ծրագրի շուրջ տարաձայնությունները լուծելու համար։

«Այս ժամանակահատվածում (2025 թվականի հունիսյան հակամարտությունից ի վեր - խմբ.) առաջացած անվստահությունը շատ նշանակալի է։ Այս անվստահությունը մարտահրավեր է բանակցությունների համար, և մենք պետք է հաղթահարենք այն՝ նոր բանակցությունների շրջանակ մշակելու համար», - իրանական հեռուստատեսությամբ ասել է Արաղչին՝ Օմանում ԱՄՆ-ի հետ Իրանի միջուկային ծրագրի շուրջ բանակցություններից հետո։

Արտգործնախարարի խոսքով, եթե ներկայիս դիվանագիտական ​​գործընթացը շարունակվի, կողմերը կկարողանան մշակել երկխոսության համար անհրաժեշտ շրջանակը հաջորդ փուլի ընթացքում։

Իրանի և Միացյալ Նահանգների միջև հանդիպումը, որը կազմակերպվում է Օմանի միջնորդությամբ, տեղի է ունենում առաջին անգամ՝ բանակցային գործընթացի ամիսներ տևած դադարից հետո, որը առաջացել էր Իրան-Իսրայել հակամարտության բաց փուլի պատճառով 2025 թվականի հունիսին։ Այդ ժամանակ Իսլամական Հանրապետությունը և Միացյալ Նահանգները անցկացրել էին խորհրդակցությունների հինգ փուլ։