Գերմանիան պլանավորում է ստեղծել Starlink-ի համարժեքը Բունդեսվերի համար
Գերմանական Rheinmetall և OHB ընկերությունները քննարկում են Բունդեսվերի համար Իլոն Մասկի Starlink-ի նման ռազմական արբանյակային ինտերնետային ծառայության ստեղծման հարցը: Այս մասին հայտնել է The Financial Times (FT)-ը՝ հղում անելով աղբյուրներին:
«Քննարկումներ են ընթանում գործընկերության շուրջ, որը խմբերին հասանելիություն կտա Բեռլինի ռազմական տիեզերական տեխնոլոգիաների համար նախատեսված 35 միլիարդ եվրո բյուջեի մի մասին», - նշվում է հաղորդագրության մեջ:
FT-ի տվյալներով՝ նախատեսված համատեղ ձեռնարկությունը կմասնակցի բազմամիլիարդ դոլարանոց պայմանագրի՝ Գերմանիայի զինված ուժերի համար ցածր Երկրի ուղեծրում անվտանգ արբանյակային կապի ցանց ստեղծելու համար: Պաշտոնյաները նախագիծն անվանում են «ռազմական Starlink Բունդեսվերի համար»:
Հրապարակումը պարզաբանում է, որ բանակցությունները տեղի են ունենում Գերմանիայի՝ իր ռազմական կարողությունները արագորեն ընդլայնելու և Միացյալ Նահանգներից կախվածությունը նվազեցնելու ցանկության ֆոնին: Rheinmetall-ը, որը ավանդաբար տանկերի և զինամթերքի արտադրող է, անցյալ տարվա վերջին ստացել է իր առաջին տիեզերական պայմանագիրը՝ 2 միլիարդ եվրո արժողությամբ՝ ֆիննական Iceye ընկերության հետ համատեղ արբանյակներ արտադրելու համար:
