Կա մտահոգություն իշխանության բռնազավթման ծրագրերի վերաբերյալ․ Ռուբեն Ռուբինյան
Բավականին հետաքրքիր և մի փոքր էլ զվարճալի է դիտել, թե ինչպես են մեր ընդդիմադիր գործընկերները քննարկում, թե ինչու է ԵԽԽՎ֊ն իր ընդունած արդեն հայտնի բանաձևում մտահոգություն հայտնել մի քանի եկեղեցականների կողմից իշխանության բռնազավթման ծրագրերի վերաբերյալ տեղեկությունների առնչությամբ և թե ինչու չի նշել, որ Հայաստանում կան քաղբանտարկյալներ։ Այս մասին գրել է ԱԺ փոխնախագահ Ռուբեն Ռուբինյանը։
«Էլ իրար են մեղադրում, որ լավ լոբբինգ չեն արել, էլ աշխարհաքաղաքական շահերն են մեջբերում, էլ ասում են, որ իշխանությունն է եվրոպացիքին մոլորեցրել։
Բայց մտքներով չի անցնում անգամ, որ բանաձևում տեղ գտածն ու չգտածը ունեն մի շատ ավելի պարզ պատճառ.
֊ Կա մտահոգություն իշխանության բռնազավթման ծրագրերի վերաբերյալ, որովհետև, իրոք, այդպիսի ծրագրեր եղել են։
֊ Չկա նշում քաղբանտարկյալների վերաբերյալ, որովհետև Հայաստանում պարզապես քաղբանտարկյալներ չկան։
Նկարում Ստրասբուրգի տաճարն է՝ ըստ իս Եվրոպայի 2֊րդ ամենագեղեցիկ տաճարը Էջմիածնից հետո»,- գրել է նա։
