Վրաստանը դեպի Հայաստան ադրբեջանական բենզինի տարանցման համար գումար կգանձի
Վրաստանը որոշում է կայացրել վճար սահմանել Ադրբեջանից Հայաստան ներկրվող բենզինի երկրորդ տարանցման համար։ Այս մասին հայտարարել է «Mega Trade» ընկերության տնօրեն Կարեն Այրիյանը։
Նրա խոսքով՝ առաջիկա ներմուծման ընթացքում Ադրբեջանից Հայաստան կբերվի ոչ միայն Premium տեսակի, այլ նաև Regular տեսակի բենզին։ Ներմուծումն իրականացվելու է Վրաստանի տարածքով տարանցման միջոցով, ինչի համար այս անգամ կգանձվի համապատասխան վճար։
Այրիյանը նշել է, որ տարանցման վճարի կիրառումը էական ազդեցություն չի ունենա վառելիքի վերջնական գնի վրա։ Նրա գնահատմամբ՝ բենզինի գնի ձևավորման վրա առավել մեծ ազդեցություն ունեն արտարժույթի փոխարժեքների տատանումները և համաշխարհային շուկաներում նավթամթերքների գները։
Նշվում է, որ ադրբեջանական բենզինի հիմնական ներմուծողները Հայաստանի շուկայում «Mega Trade» և «Shisha World» ընկերություններն են։ Ըստ աղբյուրների՝ առաջին տարանցման ընթացքում Վրաստանը ադրբեջանական վառելիքի տեղափոխման համար վճար չէր գանձել։
