Ջենիֆեր Լոպեսի համերգի հաշվետվությունն ուսումնասիրության փուլում է, առաջիկայում կպարզվի՝ որքան է ծախսվել. Անդրեասյան
Ֆինանսական հաշվետվությունը ուսումնասիրության փուլում է, առաջիկայում պարզ կլինի դրա արդյունքները, որից հետո հայտնի կդառնա, թե ի սկզբանե կնքված պայմանագրի շրջանակներում որքան գումար է ծախսվել և այդ գումարից որքանն է ենթակա բյուջե վերադարձի: Մենք լրագրողների հետ այդ տեղեկատվությամբ կկիսվենք: Այս մասին մամուլի ասուլիսի ժամանակ հայտարարեց ԿԳՄՍ նախարար Ժաննա Անդրեասյանը՝ պատասխանելով լրագրողի այն հարցին, թե որքան գումար է ծախսվել Հայաստանում կայացած Ջենիֆեր Լոպեսի համերգի համար:
«Մեր շարունակական քաղաքականությունն է Հայաստանում կազմակերպել մասնավորի հետ համագործակցությամբ միջազգային աստղերի հյուրախաղեր, սա ունի մի քանի նպատակ: Այդ նպատակների շարքում կարևոր են զբոսաշրջության խթանումը, և մենք շարունակելու ենք այս ձևաչափով աշխատելը»,- նշել է նա:
