ԱՄՆ-ում վատ եղանակի պատճառով հետաձգված չվերթների թիվը գերազանցել է 10,000-ը

FlightAware մասնագիտացված պորտալի տվյալներով՝ ԱՄՆ Միջին Արևմուտքի և Հյուսիսարևելյան նահանգներում վատ եղանակի պատճառով հետաձգվել է ավելի քան 10,000 չվերթներ։

Պորտալի տվյալներով՝ երկուշաբթի և երեքշաբթի առավոտյան ևս 1,900 չվերթներ չեղարկվել են։

Ազգային օդերևութաբանական ծառայությունը հայտնել է, որ այս շրջանները տուժել են առատ ձյան տեղումներից և փոթորկային քամիներից։ Մասնավորապես, երկուշաբթի երեկոյան Չիկագոյում, Իլինոյս նահանգում, քամու արագությունը տեղ-տեղ հասել է 25 մ/վրկ-ի։

Վատ եղանակը խաթարել է այս շրջաններում տրանսպորտային գործունեությունը։ Բացի լայնածավալ չվերթների չեղարկումներից և ուշացումներից, գրանցվել են նաև բազմաթիվ ճանապարհատրանսպորտային պատահարներ։

NBC-ի գնահատականներով՝ վատ եղանակից տուժել է գրեթե 110 միլիոն մարդ։