Իրանում զանգվածային բողոքի ցույցեր են

Իրանական ազգային արժույթի՝ ռիալի արժեզրկման ֆոնին Թեհրանում բողոքի ցույցեր են տեղի ունեցել։ Այս մասին հաղորդում է «Fars» գործակալությունը:

«Դոլարի փոխարժեքը, որը գերազանցել է 140 հազար տոմանը (1 միլիոն 400 հազար ռիալ), ինչպես նաև գործարարների վրա աճող ճնշումը հանգեցրել են երկու տեղական բողոքի ակցիաների, որոնք տեղի են ունեցել Թեհրանի կենտրոնում»,- ասված է հաղորդագրության մեջ:

Նշվում է, որ այդ ակցիաները կարող են նոր խթան հանդիսանալ Իրանում բողոքական բջիջների գործունեության համար:

Գործակալության տվյալներով՝ վերջին երկու օրվա ընթացքում առևտրականների և գործարարների խմբեր են հավաքվել Թեհրանի Չահարսու առևտրի կենտրոնում և Լալեզար փողոցում: Բողոքի ակցիաների գլխավոր հարցը փոխարժեքի կտրուկ տատանումներն են և դրանց ազդեցությունը մեծածախ և մանրածախ գների վրա:

Նշվում է նաև, որ մոտ 200 ցուցարարների թվում եղել են 5-10 հոգանոց խմբեր, որոնք վանկարկել են «տնտեսական պահանջներից դուրս» կարգախոսը:

Բացի այդ, Իրանական ժողովրդի մոջահեդների կազմակերպության առաջնորդ Մարիամ Ռաջավին կոչ է արել «կազմակերպել շղթայական բողոքներ»: