Սերժ Սարգսյանի Արման Թաթոյան, վանդակը գլխումդ է. Փաշինյանն էլ չի կարող օգնել. Հարությունյան

Վարչապետի աշխատակազմի ղեկավար Արայիկ Հարությունյանի ֆեյսբուքյում գրառում է կատարել.

«Սերժ Սարգսյանի Արման Թաթոյանն ասում է՝ Նիկոլ Փաշինյանը վանդակ է կառուցել, և ինքը պետք է քանդի այն:

Ու սա ասում է մի մարդ, ով 2018-ին նոր կարողացավ ոտքը հանել վանդակից հենց Նիկոլ Փաշինյանի շնորհիվ ու հեղափոխության արդյունքում: Բայց դե ֆիզիկական վանդակից կարող է ոտքը հանել, բայց երբ վանդակը գլխումդ է, այդտեղ Փաշինյանն էլ չի կարող օգնել»,- գրել է Հարությունյանը: 

Ավելի վաղ` «Միասնության թևեր» քաղաքական նախաձեռնության ղեկավար Արման Թաթոյանը գրառում էր կատարել, որտեղ մասնավորապես նշված էր. 

«2020 թվականից Նիկոլ Փաշինյանը քաղաքական վանդակ է կառուցել մեր ժողովրդի համար, որտեղ մեր միակ ընտրությունը անցյալի կոռուպցիոն համակարգերի և ներկայիս կոռումպացված անկարողների միջև է: Մեր գործունեությունն ուղղված է այս վանդակը քանդելուն և մեր ժողովրդին այս կեղծ ընտրությունից ազատելուն։

Աջակցեք մեզ, որպեսզի կարողանանք միասին միավորել մեր ժողովրդին ու իրական խաղաղություն, ուժ և արդարություն բերենք մեր երկրին»