Ադրբեջանի և Պակիստանի ԱԳ նախարարները հանդիպել են ԱՄԷ-ում․ ինչ է քննարկվել
Ադրբեջանի և Պակիստանի արտաքին գործերի նախարարները հանդիպել են ԱՄԷ-ում կազմակերպված «Սըր Բանի Յաս» ֆորումի շրջանակներում։
Հանդիպման ընթացքում Ջեյհուն Բայրամովը և Մուհամմադ Իսհաք Դարը քննարկել են տարածաշրջանային և երկկողմ հարաբերություններին վերաբերող հարցեր։
Պակիստանի արտաքին գործերի նախարարը հանդիպման մասին տեղեկություն է հրապարակել իր սոցիալական ցանցերի էջում։
«Սըր Բանի Յաս» ֆորումը միջազգային միջոցառում է, որն անցկացվում է ամեն տարի ԱՄԷ-ում և համախմբում է նախարարների, բարձրաստիճան պաշտոնյաների և համաշխարհային հաստատությունների ղեկավարների՝ արդիական թեմաներ քննարկելու նպատակով։
