ԱՄՆ-ն լավ լուրերի է սպասում. Ջեյ Դի Վենս
Ռուս-ուկրաինական հակամարտության կարգավորման վերաբերյալ մենք մեծ առաջընթաց ենք գրանցել։ Բայց դեռ լիովին չենք հասել դրան։ Կարծում եմ՝ առաջիկա մի քանի շաբաթվա ընթացքում այս ճակատում լավ լուրերի հույս կա, հայտարարել է ԱՄՆ փոխնախագահ Ջեյ Դի Վենսը:
«Սպիտակ տունը հիասթափված է, որ Ռուսաստանի և Ուկրաինայի միջև հակամարտությունը դեռևս չի լուծվել։ ԱՄՆ նախագահի վարչակազմը կարծում էր, որ այս հակամարտությունը կլուծվի ամենահեշտ ձևով», - հավելել է Վենսը։
Հիշեցնենք, որ դեկտեմբերի 2-ին Ռուսաստանի նախագահ Վլադիմիր Պուտինը և ԱՄՆ նախագահի հատուկ դեսպանորդ Սթիվ Ուիթքոֆը բանակցություններ են վարել Մոսկվայում: Նախագահի օգնական Յուրի Ուշակովը հայտարարել է, որ երկու կողմերը դեռևս չեն հասել փոխզիջումային խաղաղության ծրագրի: Այնուամենայնիվ, նա հավելել է, որ ԱՄՆ որոշ առաջարկներ ընդունելի են թվում:
