Իբր ակցիայի մասնակցի պայուսակի մեջ թմրանյութ է դրել. Արշակ սրբազանի փաստաբան

Արշակ սրբազանին մեղադրում են, թե իբր վերջինս 2018-ին Վեհափառի դեմ ակցիա իրականացնողներից մեկին վարկաբեկելու նպատակով պայուսակում թմրամիջոց է դրել: Այս մասին ֆեյսբուքի իր էջում գրել է փաստաբան Արսեն Բաբայանը:

«Ավելի անհեթեթ բան չէինք լսել»,- գրել է նա:

Հիշեցնենք` Արշակ սրբազանի նկատմամբ հարուցվել է հանրային քրեական հետապնդում:

«Քրեական վարույթի նախաքննության ընթացքում անձի նկատմամբ հարուցվել է հանրային քրեական հետապնդում՝ Քրեական օրենսգրքի 393-րդ հոդվածի 2-րդ մասի 1-ին և 4-րդ կետերով (մի խումբ անձանց կողմից նախնական հանաձայնությամբ թմրամիջոց ապօրինի իրացնելը՝ հանդիսադիր վայրում)»,- Auroranews-ի հարցմանն ի պատասխան հայտնել են Քննչական կոմիտեից: