Իրանը հարևան երկրներից ջուր կներմուծի
Երաշտի և ջրային ճգնաժամի պայմաններում Իրանը բանակցություններ է վարում մի շարք հարևան երկրների հետ՝ ջրի պաշարների հնարավոր ներմուծման շուրջ, նշել է էներգետիկայի նախարար Աբբաս Ալիաբադին։ Նախկինում ISNA-ն տեղեկացրել էր, որ երկրի հիմնական ջրամբարներում ջրի մակարդակը հասել է 32%-ի։
Պաշտոնյայի խոսքով՝ նպատակներից մեկը ջրի ավելցուկ ստեղծելն է։
«Մենք բանակցություններ ենք վարում մեր հարևանների հետ և փնտրում ենք ջուր ներմուծելու հնարավորություններ այն երկրներից, որոնք պատրաստ են դա անել», - ասել է Ալիաբադին։
Fars գործակալությունը հայտնում է, որ նոյեմբերի 8-ի դրությամբ Իրանի 19 ջրամբարները, որոնք կազմում են գործող ջրամբարների շուրջ 10%-ը, մոտ են լիարժեք ցամաքելուն, իսկ դրանց պաշարները չեն գերազանցում 5%-ը։
