Բրյուսովի համալսարանի ծեծկռտուքի մասնակիցներից 2-ը հարազատ քույրեր են. նոր մանրամասներ
Նոր մանրամասներ են հայտնի դարձել Վ. Բրյուսովի անվան պետական համալսարանում ուսանողուհիների միջև տեղի ունեցած վիճաբանությունից, գրում է Shamshyan.com–ը։
Դեկտեմբերի 3–ին, ոստիկանություն օպերատիվ տեղեկություններն են ստացվել, որ նշված համալսարանում վիճաբանություն է տեղի ունեցել: Տեղում պարզվել է, որ ժամը 13:50-ի սահմաններում համալսարանում անձնական հարցերի շուրջ վիճաբանություն է տեղի ունեցել Երևանի բնակիչներ 20-ամյա Ս. Ա.-ի, 20-ամյա Ն. Հ.-ի, Արագածոտնի մարզի բնակիչ 20-ամյա Մ. Հ.-ի, Երևանի բնակիչներ 21-ամյա Ծ. Տ.-ի և 20-ամյա Լ. Տ-ի միջև, որի ժամանակ միմյանց հարվածներ են հասցրել՝ պատճառելով ֆիզիկական ցավ:
Նշված անձինք տեղափոխվել են ոստիկանության Կենտրոնական բաժին, որտեղից էլ ներկայացվել են քննչական բաժին, որտեղ էլ կատարվածի մասին բացատրություն տալուց հետո բաց են թողնվել:
Կայքի տեղեկություններով՝ բոլորը սովորում են Բրյուսովի անվան պետական համալսարանում և հրաժարվել են դատաբժշկի մոտ գնալուց:
Իսկ մասնակիցներից 2-ը հարազատ քույրեր են:
