Իրանն ու Թուրքիան կկառուցեն նոր միասնական երկաթուղի
Իրանի արտգործնախարար Աբբաս Արաղչին հայտնել է, որ Իրանը և Թուրքիան համաձայնության են ձեռք բերել՝ կառուցելու նոր համատեղ երկաթուղային գիծ։
Նրա խոսքով՝ կողմերը որոշել են կառուցել Մարանդ-Չեշմե-Սորայա անվանումով տարանցիկ երկաթուղային գիծ, որը նախատեսվում է դարձնել Ասիայի և Եվրոպայի միջև ռազմավարական ուղի։ Երթուղին Իրանից հասնելու է մինչև Թուրքիայի Արալըք սահմանային շրջան։
Աբբաս Արաղչին նշել է՝ երկաթուղին նախատեսվում է կառուցել մոտ 200 կիլոմետր երկարությամբ։ Նախագծի ընդհանուր արժեքը կկազմի շուրջ 1.6 միլիարդ դոլար, իսկ շինարարությունը կտևի երեքից չորս տարի։
