Թուրքիան և Իրանը տարածաշրջանի երկու հզոր երկրներն են․ Ֆիդան
Թուրքիան և Իրանը տարածաշրջանի երկու ազդեցիկ երկրներն են, հայտարարել է Թուրքիայի արտգործնախարար Հաքան Ֆիդանը՝ Թեհրանում իրանական գործընկեր Աբաս Արաղչիի հետ համատեղ մամուլի ասուլիսում։
Ֆիդանը նշել է, որ Արաղչիի հետ քննարկել են Պաղեստինի և Գազայի, ինչպես նաև Սիրիայի, Լիբանանի, Իսրայելի, միջուկային բանակցությունների և Աֆղանստանի ու Պակիստանի միջև լարվածության հարցերը։
Ըստ նրա, երկու երկրները համակարծիք են, որ «Իսրայելի տարածաշրջանային էքսպանսիան տարածաշրջանի համար թիվ մեկ անվտանգության սպառնալիքն է»։
Ֆիդանը հայտարարել է, որ իրենց նպատակն է շարունակել Գազայում հրադադարի ռեժիմը, որը ձեռք է բերվել «հսկայական ջանքերով», և անցնել հաջորդ փուլին։
Նա նաև ասել է, որ «Արևմտյան ափում և Երուսաղեմում շարունակվող ագրեսիան պետք է դադարեցվի որքան հնարավոր է շուտ, և որ միջազգային հանրությունը պետք է իր ներդրումն ունենա այս հարցում»։
Ֆիդանը հավելել է, որ միջազգային հանրությունը պետք է իր ներդրումն ունենա, որպեսզի «անմիջապես կանգնեցնի Իսրայելի էքսպանսիան, որն ուղղված է Սիրիայի և Լիբանանի ապակայունացմանը»։
