Ադրբեջանի ընդդիմության առաջնորդ Ջամիլ Հասանլիին թույլ չեն տվել լքել երկիրը
Այսօր՝ Ադրբեջանի ընդդիմության առաջնորդներից մեկը՝ Ջամիլ Հասանլին, փորձել է կնոջ հետ ինքնաթիռով մեկնել Դուբայ։ Հեյդար Ալիևի անվան օդանավակայանի անձնագրային ստուգման ժամանակ նրան տեղեկացրել են ժամանակավոր ճանապարհորդության արգելքի մասին։
Ավելի ուշ Հասանլին սոցիալական ցանցերում հայտարարել է, որ իրեն կանչել են Քննչական կոմիտե՝ որպես «Ռամիզ Մեհդիևի գործով» վկա։
Հիշեցնենք, որ Ադրբեջանի նախագահի աշխատակազմի նախկին ղեկավար Ռամիզ Մեհդիևին մեղադրանք է առաջադրվել 3 հոդվածով` «իշխանությունը զավթելուն ուղղված գործողությունների», «պետական դավաճանության» և «հանցավոր ճանապարհով ձեռք բերված գույքի լվացման» համար։
Ըստ ադրբեջանական լրատվամիջոցների, Ազգային խորհրդի նախագահ և նախկին պատգամավոր Ջամիլ Հասանլին փորձել է փախչել Ադրբեջանից։ Ջամիլ Հասանլիին թույլ չեն տվել լքել երկիրը և նրան տարել են Պետական անվտանգության ծառայություն։
