Ուկրաինայի «խաղաղության ծրագիրը»՝ Մոսկվայի պահանջները մեղմելու տարբերակ․ Reuters
Reuters-ը գրում է, որ ԱՄՆ-ի կողմից առաջարկված Ուկրաինայի «խաղաղության ծրագիրը», որը փաստացի ամրապնդում է Ռուսաստանի կողմից երկրի որոշ հատվածների օկուպացիան, կարող է Եվրոպային կանգնեցնել երկարաժամկետ տնտեսական խնդիրների առաջ։
Պարբերականի փոխանցմամբ՝ Ուկրաինայի վերակառուցումը կարժենա ավելի քան 500 միլիարդ դոլար և կպահանջի օտարերկրյա կառավարությունների, միջազգային կազմակերպությունների և մասնավոր ներդրողների ներգրավումը։ Դոնբասի և Ղրիմի չլուծված կարգավիճակը կնվազեցնի կապիտալի ներհոսքը և կզսպի ներդրողներին մոտակա տարիներին։
Կիևը հայտարարել է, որ չի ընդունի տարածքային զիջումներ հրադադարի դիմաց։ Միաժամանակ Եվրոպայում ԱՄՆ ծրագրի նկատմամբ պահպանվում է սկեպտիցիզմ, և մի շարք փորձագետներ այն դիտում են որպես Մոսկվայի պահանջները մեղմելու տարբերակ։
