Արամ Ղազարյանը նոր պաշտոն ունի
ՀՀ վարչապետ Նիկոլ Փաշինյանի հունիսի 3-ի որոշմամբ՝ Լոռու նախկին մարզպետ Արամ Ղազարյանը նշանակվել է ՆԳՆ ոստիկանության պետ-ներքին գործերի նախարարի տեղակալ:
Հիշեցնենք՝ Արամ Ղազարյանը հայտնել էր Լոռու մարզպետի պաշտոնից հրաժարական տալու մասին:
«Լոռու մարզի սիրելի՛ բնակիչներ, սիրելի՛ հայրենակիցներ, Տեղեկացնում եմ, որ հրաժարական եմ տալիս Լոռու մարզպետի պաշտոնից և դադարեցնում եմ իմ քաղաքական և կուսակցական գործունեությունը»,- գրել էր նա։
