Կսահմանափակվի մինչև 16 տարեկանների մուտքը սոցցանցեր․ Թուրքիա
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն խոսել է թվային միջավայրում երեխաների պաշտպանության ուղղությամբ իրականացվող աշխատանքների մասին։ Ermenihaber.am-ի փոխանցմամբ՝ նա նշել է, որ գործադրվում են ջանքեր սոցիալական ցանցեր մուտք գործելու տարիքային սահմանափակում սահմանելու համար։
Նախարարի խոսքով՝ սոցիալական ցանցերում նախատեսվում է գործարկել մինչև 16 տարեկանների սահմանափակում։ Ուրալօղլուն ընդգծել է նաև վնասակար բովանդակության դեմ ուժեղ վերահսկողության մեխանիզմների ստեղծման կարևորությունը։
Նա հավելել է, որ ծնողները պետք է վերահսկեն իրենց երեխաների մուտքը սոցիալական հարթակներ՝ ապահովելու նրանց անվտանգությունը։
