ԿԽՄԿ-ն փորձում է վերականգնել երկխոսությունը Բաքվի հետ

Կարմիր խաչի միջազգային կոմիտեն փնտրում է Բաքվի հետ երկխոսությունը վերականգնելու ուղիներ, հայտնել է Հայաստանում կազմակերպության հաղորդակցման ծրագրերի ղեկավար Զառա Ամատունին՝ նշելով, որ Բաքվում պահվող անձանց հետ վերջին տեսակցությունը տեղի է ունեցել հունիսին։

Ամատունին ընդգծել է, որ ԿԽՄԿ-ի ներկայացուցիչների ֆիզիկապես չգտնվելը Ադրբեջանում անհնար է դարձնում հակամարտությանը առնչվող բոլոր մարդասիրական հարցերի ընթացիկ վերահսկումը, որոնցով զբաղվել է կազմակերպությունը։

Նա նաև նշել է, որ Ադրբեջանում ԿԽՄԿ-ի աշխատանքների դադարեցման հանգամանքները չեն հրապարակվում, քանի որ կատարվող աշխատանքի մեծ մասը ընթանում է կոնֆիդենցիալ ձևաչափով։