Ադոլֆ Հիտլերը 5-րդ անգամ անընդմեջ հաղթանակն է տարել Նամիբիայի ՏԻՄ ընտրություններում

Ադոլֆ Հիտլեր Ուունոնա անունով նամիբիացի քաղաքական գործիչը հինգերորդ անգամ անընդմեջ հաղթել է տեղական ինքնակառավարման մարմինների ընտրություններում: Այս մասին հայտնում է Euronews-ը։ Նա ղեկավարում է Նամիբիայի հյուսիսում գտնվող Օշանա շրջանի Օմպունջա համայնքը։

Թեև Նամիբիայի ընտրական հանձնաժողովը դեռ պաշտոնապես չի հրապարակել ձայների հաշվարկի վերջնական արդյունքները, մի շարք հաղորդագրությունների համաձայն՝ նա տարել է վստահ հաղթանակ։

Չնայած իր անվանակցի՝ Նացիստական Գերմանիայի առաջնորդ Ադոլֆ Հիտլերի ծանր պատմական համբավին, 59-ամյա Ուունոնան վարել է լայն ժողովրդականություն՝ մոտ 5000 բնակիչ ունեցող շրջանում։

Նա բազմիցս հայտարարել է, որ իր անունը կապ չունի նացիստական գաղափարախոսության հետ։ 2020 թվականին գերմանական Bild-ին տված հարցազրույցում Ուունոնան ասել էր.

«Միայն մեծանալուց հետո հասկացա՝ այս մարդը ցանկանում էր իրեն ենթարկեցնել ամբողջ աշխարհը։ Ես ոչ մի կապ չունեմ այդ ամենի հետ»։