Սեմյոնովկա բնակավայրի վարչական ղեկավարը մանրամասներ է ներկայացրել Դիլիջանի հրդեհներից

Գեղարքունիքի մարզի Սեմյոնովկա բնակավայրի վարչական ղեկավար Դավիթ Մնացականյանը նշեց, որ արդեն չորրորդ օրն է՝ նկատվում է հրդեհի ծուխը, սկզբում այրվել է Դիլիջան ազգային պարկը, ապա մարվել են դաշտերում առաջացած հրդեհները։

Նա հայտնել է, որ հրդեհների մարումին մասնակցել են փրկարարները, էկոպարեկայինի և ազգային պարկի ծառայողները, համայնքի ներկայացուցիչները, ինչպես նաև տարբեր մարզերից ժամանած հրշեջներն։ Մնացականյանը շնորհակալություն է հայտնել փրկարար ծառայության ղեկավար Կամո Ցուցուլյանին՝ աշխատանքների կազմակերպման համար։ Նրա խոսքով՝ Սեմյոնովկայի վարչական տարածքում գտնվող 60 հա անտառից այրվել է 10–15 հեկտարը։ Նա նշել է, որ նախկին օջախները մարվել են, իսկ այսօր ցերեկվա դրությամբ ամբողջ տարածքը մաքրվել է հրդեհից։

Մնացականյանը ընդգծել է, որ առաջիկա 2–3 օրերին կազմակերպվելու է հսկողություն՝ գիշերային հերթապահությամբ, որպեսզի հնարավոր օջախները արագ հայտնաբերվեն և մարվեն։

Նրա խոսքով՝ հրդեհի հետևանքով ամբողջ գյուղը ծխի մեջ էր գտնվում, իսկ պատճառների մասին դեռևս հնարավոր չէ խոսել, քանի որ հրդեհը տարածվել է Ֆիոլետովոյի կողմից, և պատճառների բացահայտմամբ պետք է զբաղվեն մասնագետները։ Մնացականյանը նշել է, որ հրդեհները վնաս են հասցրել կենդանական և բուսական աշխարհին, իսկ գյուղի արոտավայրերի վնասը լուրջ հարված է բնակիչների համար։