Ռուբիոն և Վենսը` Թրամփի թիմում պառակտման լուրերի մասին
ԱՄՆ պետքարտուղար Մարկո Ռուբիոն և փոխնախագահ Ջեյ Դի Վենսը հերքել են արևմտյան լրատվամիջոցների հրապարակումները, թե Դոնալդ Թրամփի թիմում «պառակտում է առաջացել» Ուկրաինայի պատերազմի դադարեցման հարցում։
Ռուբիոն X սոցցանցում գրել է, որ խորհրդակցական խմբում անհամաձայնությունների մասին տեղեկությունները «ամբողջովին կեղծ լուրեր» են։ Վենսն էլ է հերքել այդ հրապարակումները։ Մի շարք արևմտյան լրատվամիջոցներ, այդ թվում՝ գերմանական BILD-ը, իրենց աղբյուրներին հղումով հայտնում էին Թրամփի թիմում թաքնված հակամարտության մասին՝ կապված Ուկրաինայի համար նախատեսված «խաղաղության պլանի» հետ։
