Քաղաքապետարանը՝ Երևանում «Opel»-ների մուտքի արգելքի լուրերի մասին

Վերջին օրերին Auroranews.am-ը  քաղաքացիներից բազմաթիվ զանգեր է ստանում այն մասին, որ «Opel» մակնիշի ավտոմեքենաների մուտքը քաղաք Երևան մոտ ժամանակներս կարգելվի։ Տարածվող տեղեկությունները քաղաքացիների շրջանում մտահոգություն են առաջացրել։ 

Auroranews.am-ը կապ հաստատեց Երևանի քաղաքապետարանի լրատվության վարչության պետի ժամանակավոր պաշտոնակատար Օֆելյա Սիմոնյանի հետ՝ հասկանալու համար, թե արդյոք շրջանառվող լուրերը համապաստասխանում են իրականությանը։

«Նման, քննարկում կամ առավել ևս որոշում չունենք, հետևաբար նմանատիպ խոսակցությունները չեն համապատասխանում իրականությանը»,- ասաց  Օֆելյա Սիմոնյանը։