Կյանքից հեռացել է բռնցքամարտիկ Վանես Մարտիրոսյանը

40 տարեկան հասակում մահացել է ճանաչված բռնցքամարտիկ Վանես Նորիկի Մարտիրոսյանը։ Մահվան պատճառը դարձել է սկվամոզ բջջային քաղցկեղը, որի դեմ մարզիկը պայքարում էր մեկ տարի, հայտնում է sportaran.com-ը։

Վանես Մարտիրոսյանը համարվում էր հայ և ամերիկյան բռնցքամարտի ամենաազդեցիկ դեմքերից մեկը։ Նա Հայաստանի 8-ակի չեմպիոն էր, ԱՄՆ «Golden Gloves»-ի դափնեկիր, ինչպես նաև մասնակցել էր Աթենք–2004 Օլիմպիական խաղերին։ Մասնագիտական ռինգում նա նվաճել էր մի շարք հեղինակավոր տիտղոսներ՝ NABF աշխարհի չեմպիոն, NABO vacant գոտի, WBA International, WBC Silver և WBO Inter-Continental՝ առաջին միջին քաշային կարգում։

Մարտիրոսյանի վերջին մենամարտը կայացել էր 2018 թվականին՝ լեգենդար Գենադի Գոլովկինի դեմ, ինչը դարձավ նրա կարիերայի եզրափակիչ էջը։