Եղանակային վտանգավորության «դեղին» մակարդակ․ իրավիճակը՝ Սանկտ Պետերբուրգում
Սանկտ Պետերբուրգում ձյան առատ տեղումների, մերկասառույցի և եղյամի պատճառով հայտարարվել է եղանակային վտանգավորության «դեղին» մակարդակ, հայտնում է «РИА Новости»-ն՝ հղում անելով քաղաքապետի վարչակազմի մամուլի ծառայությանը։
Հաղորդագրության համաձայն՝ «Ռոսհիդրոմետկենտրոնի» կանխատեսմամբ նոյեմբերի 24-ին՝ ժամը 09:00-ից մինչև 19:00-ը, քաղաքում կգրանցվեն ինտենսիվ ձյան տեղումներ, սառցակալման երևույթներ և տեղ-տեղ թաց ձյան նստվածք։ Այս պայմանները կարող են զգալիորեն բարդացնել ճանապարհային երթևեկությունը։
Իշխանությունները քաղաքացիներին, հատկապես վարորդներին, կոչ են անում ցուցաբերել առավելագույն զգուշություն, իսկ ՃՏՊ-ների բարձր հավանականության պատճառով՝ հնարավորության դեպքում հրաժարվել անձնական տրանսպորտով երթևեկելուց։
